Prisintazioni
QUALI SEMU?
U Sindicatu
U Sindicatu intracumunali par a Gistioni di i Spazzi Naturali di u Sartinesi hè statu criatu in u 1994. Hè custituitu di trè cumuni, Sartè, a Grossa è Belvidè Campumoru , è t’hà par missioni sola a gistioni di i tarreni cumprati da u Cunsirvatoriu di u Litturali nant’à i tarritorii di sti cumuni. Hè un sindicatu à vucazioni unica.
Cumitatu sindicali
U Sindicatu t’hà un uffiziu di diliberazioni chjamatu cumitatu sindicali.
Dopu à ugni allizioni municipali, i trè cumuni sceddani dui diligati in u cunsigliu municipali, chì sidarani à u cumitatu sindicali d’Elisa. Ugni diligatu t’hà un supplianti chì lu pudarà rimpiazzà in casu mai. In a riunioni di stu primu cumitatu sindicali sò eletti da i diligati ( par 6 anni) un Prisidenti è dui Vici prisidenti.
U cumitatu sindicali s’adduniscia di modu rigulari longu l’annu, à a chjama di u so Prisidenti, par dilibarà nant’à l’affari bilanciari, l’azzioni di gistioni fatti da u sindicatu, nant’à i diversi cunvinzioni chì u prisidenti devi signà o nant’à l’invistimenti privisti in l’annata.
I risorci finanziari
U Sindicatu ùn hà micca una fiscalità soia, è pò tandu binifizià, à cuntà di a so criazioni, di l’aiutu finanziariu di tutti quiddichì s’impegnani in a difesa di l’ambienti à u niveddu lucali.
I participazioni finanziari di a Cullitività di Corsica, di l’Uffiziu di l’Ambienti di a Corsica, è quiddi di i trè cumuni custituiscini u bilanciu di funziunamenti di u Sindicatu.
Da pò u 2016, i ricetti di sputazioni di u rifughju di Senetosa è di a torra di Campumoru venini in più di quid’altri participazioni.
U sindicatu hè dinò sustinutu par i stessi cullaburatori in i spesi diversi ch’iddu priveda.
A diligazioni di gistioni
Par ciò chì n’è di u fundariu, u cunsirvatoriu di u Litturali t’hà una pulitica di prutizioni difinitva di i spazii naturali è di i loca in leia cù u mari è i lavi. A gistioni di sti spazii hè data dopu à i cullitività lucali.
In Corsica, hè a Cullitività di Corsica (CDC) chì hè u gistiunari principali di i tarreni aquistati da u Cunsirvatoriu. Par certi tarritorii a CDC pò scedda di dà sta gistioni, hè ciò chì si passa par i siti di Campumoru Senetosa, Cala Barbaria è Zivia.
Una cunvinzioni di diligazioni di gistioni hè stata signata di dicembri 2018 par quissa.
PAR SAPÈ NI DI PIÙ
Da leghja dinò
A squadra
Elisa t’hà cinqui aghjenti tecnichi è un aghjenti amministrativu da pudè assicurà i so missioni di gistioni.
I nosci missioni
Surviglianza, Accunciamenti, Mantinimenti, Aducazioni à l’ambienti, Filu di i studii scientifichi, tali sò i missioni di u Sindicatu longu l’annu.