SCUPRITI

A noscia missioni

ACCUNCIAMENTI

Prisintazioni

Da pò a criazioni di u Sindicatu, l’aghjenti di ELISA ani criatu, accunciatu, mantinuti par una bedda parti i chjassi chì oghji sò pruposti à u pubblicu. D’altronda, ani dinò riabilitatu una bedda parti di u picculu patrimoniu custruitu prisenti nant’à i siti.
U Cunsirvatoriu di u litturali intarvena nant’à i custruzzioni o i prugrammi d’accunciamenti maestri.
In tandu, par tutti l’ acquisti di u fundariu fatti da u Cunsirvatoriu di u litturali in u sartinesi, i dui strutturi ani sempri travaddatu insemi par a cuncipitura è a missa in pratica d’accunciamenti è d’azzioni di valurisazioni di i siti. Si pò piddà in asempiu a rimissa à novu di u fanali di Senetosa, a so trasfurmazioni in un rifughju ammaistrata da u Cunsirvatoriu è l’urganisazioni nova di i chjassi di u circondu, fatta in regia da Elisa.
I travaddi d’assistamenti fatti da u sindicatu permettani d’apra à u pubblicu un situ novu, di rimetta in valori una custruzzioni anziana o di rimetta in istatu un vechju chjassu arruvinatu da u mondu chì ci passa o frustu da u tempu.
St’intarvinzioni si facini ancu cù travaddi d’impurtanza fatti da u Cunsirvatoriu di u litturali, com’è a rimessa à novu di u fanali di Senetosa, a so trasfurmazioni in rifughju è l’urganisazioni nova di i chjassi di u circondu.

I travaddi d’assistamenti rializati da u sindicati sò di trè catigurii:

Apartura è accunciamenti di i chjassi.

Hè impurtanti di prupona à i visitori, chjassi in cundizioni ,pratichevuli da tutti. Par quissa a scelta di a strada hè impurtantissima parchì hè ciò chì hà da parmetta u so accunciamenti è a so cunsirvazioni. U niveddu di l’accunciamenti dipendi di a fraquintazioni privista di u chjassu in qualità è in quantità. Pae asempiu u chjassu chì va à a torra di Campumoru, subitu pratichevuli, hè mori più assistatu cà u ghjiru di Conca.

A rimissa in bonu statu di u picculu patrimoniu custruitu.

 U Cunsirvatoriu intarvena cù l’aiutu d’intrapresi spizializati par ciò chì hè di i custruzzioni patrimuniali impurtanti com’è i torri ghjenuvesi o u fanali di Senetosa, inveci chì u sindicatu, iddu, faci i travaddi da rimetta in bonu statu i picculi custruzzioni, par u più agriculi, com’è l’aghji, un furru, un vechju chjosu. L’aghjenti di u sindicatu ammaistrighjani i tecnichi di rinnuvazioni è si dani tutti l’anni à rimetta in cundizioni sti vistighi di u passatu.

A stallazioni di a signaletica

Hè d’impurtanza nant’à un situ, dà infurmazioni, guida è ancu rassicurighja. A difficultà hè di parmetta à tempu ch’idda sighi efficaci è scansata abbastanza, chì semu nant’à spazii narturali prutetti.

Hè dunqua di primura par scopra un situ o un tarritoriu. Hè un aiutu à un travaddu seriu par fà capí a strada scelta di u chjassu. Si devi veda, essa cuerenti è intratinuta longu u parcorsu. Nant’à i siti di u sartinesi truvemu paneddi d’infurmazioni chì pricisani a cumuna, u nomi di u situ, u gistiunariu, u rigulamenti, tutti dati da u Cunsirvatoriu di u litturali chì t’ani normi stabiliti, i stessi par tutti i siti di u Cunsirvatoriu in Francia.
Ritruvemu dinò limiti in farru direzziunali, intigrati propiu bè à i siti, chì pracisani u locu (in lingua corsa), i dirizzioni è ancu i tempi di u parcorsu.
Tutta a signaletica hè infussata cù un mischju di calcina naturali è di tarra rossa presa supralocu.

PAR SAPÈ NI DI PIÙ

Da leghja dinò

A squadra

Elisa t’hà cinqui aghjenti tecnichi è un aghjenti amministrativu da pudè assicurà i so missioni di gistioni.

Quali semu?

U sindicatu intracumunali par a gistioni di i Spazii Liturali di u Sartinesi.