PRISINTAZIONI di i nosci

Cullaburatori

CULLABURATORI

A Cullitività di Corsica

A Corsica hè una cullitività tarrituriali à statutu particulari, in u sensu di l’articuli 72 al. 1u di a Custituzioni. T’hà un assemblea è cumpitenzi più impurtanti.
Da pò u 1u di ghjinnaghju 2018 , a «  cullitività di Corsica » (è micca com’è prima « cullitività tarrituriali di Corsica » chì avia dighjà un statutu particulari) hè duvintata una cullitività à statutu particulari in piazza è locu di a cullitività tarrituriali di Corsica è di i Dipartimenti di u Pumonti è di u Cismonti.
Cù listessi assemblei chì l’anziani Cullitività tarrituriali di Corsica, a « Cullitività di Corsica » t’hà di più i cumpitenzi dati à i Cunsiglii Dipartimentali, chì ùn esistini più.
A so assemblea di dilibirazioni hè l’Assemblea di Corsica, eletta à u suffragiu universali direttu tutti i sei anni à tempu à l’allizioni righjunali, via un scruttinu prupurziunali di lista à dui ghjiri.
L’ Assemblea di Corsica hè cumposta di 63 cunsiglieri.
L’ Assemblea eleghja u so prisidenti, ma, à a diffarenzi di i rughjoni, quissu ùn hè incaricatu di u puteri asecutivu. Stu puteri appartena à u cunsigliu asecutivu cumpostu d’un presidenti è di ottu membri è hè elettu da l’ Assemblea di Corsica. U cunsigliu esecutivu pò essa sdimessu da una muzioni di sfiducia di l’Assemblea di Corsica.
A Culitività di Corsica dispona di cumpitenzi particulari, diterminati da u Codici giniralidi i cullitività tarrituriali: aducazioni, cultura è cumunicazioni, sport è aducazioni pupulara, pianu d’assestu è di sviluppu durevuli, trasporti, gistioni di l’infrastrutturi, alloghju è fundariu, sviluppu icunomicu, ambienti.

A cullitività dispona di setti stabilimenti pubblichi incaricati di a rialisazioni di a so pulitica :

  • Agenzia di sviluppu icunomicu di a Corsica (ADEC);
  • Uffiziu di l’ambienti di a Corsica (OEC);
  • Uffiziu di i trasporti di a Corsica (OTC);
  • Agenzia di u turisimu di a Corsica (ATC);
  • Uffiziu di u sviluppu agricolu è rurali di a Corsica ( ODARC);
  • Uffiziu di l’Acqua di a Corsica (OEHC);
  • Agnzia d’assestu durevuli, di pianificazioni è d’urbanisimu di a Corsica ( AAUC).

CULLABURATORI

U Cunsirvatoriu di u Litturali

U Cunsirvatoriu di u litturali, membri di l’Unioni Mundiali pà a Natura (UICN), hè un stabilimenti pubblicu criatu in u 1975. Faci una pulitica di u fundariu par pruteghja di manera difinitiva i spazii naturali è i loca nant’à i costi maritimi è di i lavi, è pò intarvena in i cantoni di a costa in metropola, in i dipartimenti d’Altrimari , in Mayotte è in i cumuni chï toccani i foci, i deltà è i lavi di più di 1000 ettari.

Acquista tarreni fragili o minacciati , fendu arranghjamentu, par priurità, o di manera ecceziunali par sprupriazioni. Certi loca li poni ancu essa stati dati o trasmissi in lascita.

Hè cumpostu di servizii cintrali, di 10 diligazioni di i litti , d’una diligazioni « Auropa è Intarnaziunali » è d’una diligazioni à a cumunicazioni è à u mecenà.

Hè direttu da dui priguri : u Cunsigliu d’amministrazioni cumpostu par u più d’eletti naziunali è di raprisintenti di i ministerii è i Cunsiglii di i litti cumposti d’eletti dipartimintali è righjunali. Hè capitu, in ginirali, com’è un urganisimu cumunu à u Statu è à i cullitività tarrituriali, induva s’intricciani è si rinforzani i qualità è i duminii di l’unu è di l’altri.

Dopu avè fattu i travaddi di missa in bonu statu nicissarii, dà a gistioni di i tarreni à i cumuni, à d’altri cullitività lucali , à associi, ch’iddi si ni acuppessini in u rispettu di l’urientazioni scelti.
Cù l’aiutu di spicialisti, dicida di a manera bona d ‘accuncià, è d’intratena i siti acquistati, parchì a natura fussi a più bedda è a più ricca pussibuli, è difinisci l’usi, par u più agriculi è di passatempu chì poni andà cù i so ughjettivi.

U Cunsirvatoriu di u Litturali in Corsica hè :

  • 23% di u litturali prisirvatu
  • 71 siti
  • 62 cumuni
  • 20480 ettari acquistati

CULLABURATORI

L’Uffiziu di l’Ambienti di a Corsica

L’Uffiziu di l’Ambienti di a Corsica (O.E.C) hè un stabilimenti pubblicu di modu industriali è cumirciali (EPIC) dutatu di a parsunalità murali è ghjuridica, è di l’autunumia finanziara. Hè statu criatu da l’Articulu 57 di a leghji n°91-428 di u 13 di Maghju 1991 purtantu statutu di a Cullitività Tarrituriali di Corsica ( CTC).
L’O.E.C hè prasidatu da un Cunsiglieri asecutivu sceltu da u Prisidenti di u Cunsigliu Asecutivu. U so cunsigliu d’amministrazioni hè cumpostu da 29 parsoni, frà quali u Prisidenti è 17 eletti scelti da l’Assemblea di Corsica.
I missioni di l’Uffiziu di l’Ambienti di a Corsica sò tamanti è trasvirsali, sò discritti in l’articulu 2 di i so statuti è l’incaricheghjani di dà fiatu è di fà a cuurdinazioni di tutta a pulitica righjunali par ciò chì hè di l’ambienti è di u sviluppu durevuli, assicurendu a prutizioni, a valurisazioni, a gistioni, l’animazioni è a prumuzioni di u patrimoniu di a Corsica.
A leghji di u 22 di ghjinnaghju 2002 hà pricisatu certi cumpitenzi chì oramai sò quiddi di a Cullitività di Corsica è piddati à contu soiu da l’Uffiziu di l’Ambienti di a Corsica in certi spazzii novi è diversi com’è a Qualità di l’aria, i Riservi Naturali, i Riservi di caccia è di pesca, o ancu i Piani Dipartimintali d’ Aliminazioni di u Rumenzulu di Casa è cunsidarati com’è Simuli o Industriali.

Cullaburatori finanziari di i cumuni è cumunità di cumuni, d’associi com’è di i sirvizii di u statu, l’Uffiziu di l’Ambienti di a Corsica hè dinò un cullaburatori tecnicu chï t’hà un parsunali d’un niveddu altu di qualificazioni.

L’OEC porta cù i so cullaburatori, a rialisazioni di a pulitica righjunali par l’ambienti in sti sittori :

  • Prutizioni è gistioni di i spazii è di l’aquilibrii naturali, prasirvazioni di i spazii sensibuli in i marini o in muntagna, elementi di primura par a pulitica di u sviluppu durevuli.
  • Prutizzioni è gistioni di i pianti è animali isulani.
  • Prutizioni di i mezi acquatichi è di i risorci in acqua, prutizioni di u mari è privenimenti di l’incendii.
  • Lotta contra i pulluzioni è altri scumpienti com’è quiddi di u rumenzulu o di l’acqui brutti.
  • Prumuzioni di a qualità di a vita ( qualità di l’acqua, di i loca, accunciamenti di u spaziu…), valurisazioni è prutizioni di u patrimoniu custruitu.
  • Infurmazioni, cumunicazioni, publicazioni è sinsibilisazioni di tutti i pubblichi è in particulari di a pupulazioni sculara à i prublemi di l’ambienti è di u sviluppu durevuli.

CULLABURATORI

A cumuna di Sartè.

Sartè, sottu prifittura di u dipartimenti di u Pumonti, si trova à u suddu punenti di a Corsica in i muntagni. Hè a più maiori di i cumuni di Corsica è a quindicesima di i cumuni francesi. D’una superficia tutali di 200,4 chm², a cità cuntaia 3308 abitanti in u 2015.

U sartinesi prisenti une giugraffia diversa fatta à muntagni, à fiumi, di 33chm di costi è di siti archeulogichi d’un impurtanza maiori.

Prosper Mérimée chjamaia à Sartè « a più corsa di i cità corsi ».
A vardiola di Sartè hè u simbulu di sta cità uriginali. Si trova piazza di a Vardiola, hè stata fatta à a fini di u XVI ᵘ seculu. Era a sola parti di a muradda di difesa custituiata di u carrughju di u Pitraghju. Hè scritta com’è Monumentu Storicu.

CULLABURATORI

A cumuna di Belvidè Campumoru

Belvidè Campumoru hè una cumuna di u suddu punenti di u Pumonti.

Hè fatta di :

  • U paesi di Belvidè, cori storicu di a cumuna, supranendu u golfu di Prupià da i so 220m d’altitudina. di fronti à Tivulaghju ;
  • A marina di Campumoru, oghji u locu abitatu u più impurtanti di a cumuna, impiuppiulatu in fondu di a cala di listessu nomi, à pedi di una torra ghjinuvesa ;
  • A marina di Purtiddolu spartuta trà Belvidè è Tivulaghju, paesi chì faci parti da po u 1974 di a cumuna di Prupià.

U paesi teni u so nomi da a stallazioni è da a prisenza di i Mori chì aviani com’iddu si pò pinsà, stabilitu un campu in u locu chjamatu Portu Elici nanzi d’assaltà à Sartè è i so cuntorni. Cussì u paesi fù chjamatu da quiddi chì ci stani, Campu moru o Campu nieddu ciò chì voli dì u Campu murescu o neru.

CULLABURATORI

A cumuna di a Grossa

A Grossa hè una cumuna chì si trova in a circunscrizzioni dipartimintali di u Pumonti. U paesi hè in u suddu di a Corsica, à 13 chm da Sartè, à mezu una machja zippa pien’à cantunicci. Guasi tutti i casi sò in petra (granitu). In 2017, a cumuna cuntaia 43 abitanti.
In più di i so beddi casi in petra, a Grossa t’hà mori idifizii o siti preistorichi.

A stantara di Vaccil vechju si trova in a parti di suttu à u paesi.
A ghjesgia San Ghjuvanni Battista hè una anziana ghjesa rumana.
Alò Bidsughjè hè un situ archeologicu à 2 chm da a Grossa versu Sartè, hè di l’epica di u bronzu (trà 1300 è 1500 nanzi à Ghj Cristu in Francia). Hè statu trovu in u 1963 è 1965 da René Grosjean, l’archeulogu ch’avia studiatu i siti di Filitosa è Cuccuruzzu. Pari ch’iddu fussi statu utilizatu da a civilisazioni turriana.