U SItu

Capu di Zivia

PRISINTAZIONI

Capu di Zivia

Capu di Zivia hè quid’altru nomi di a punta di Latuniccia. Hè nant’à sta punta salvatica chì, in i tempi, aviani privistu a custruzzioni di u fanali da assignalà i zecchi di i Monachi. Stu fanali è fà èfà hè statu custruitu nant’à a punta di Senetosa, più à u nordu, punta chì entra di più in mari.
Una sucità immubiliara svissara avia pinsatu di fà un prughjettu immubiliari nant ‘à u Capu di Zivia. A compra, micca sana, di u situ par u Cunsirvatoriu di u litturali cuntribusci à assicurà a prutizioni par sempri di stu situ salvatichicciu è scantatu.
Stu situ di 35 ettari, ùn hè micca parcorsu di chjassi, chì u Cunsirvatoriu ùn l’hà ancu cumpratu tuttu. Partendu da Tizzà, un chjassu pocu pratichevuli permetta di ghjunghja à Capu di Zivia da u nordu. Ghjunghjindu da u suddu, da u rinaghju di Tradicetu, una vechja pista in tarra suvita a costa sin’à a Cala di Brisgia, po un chjassu pocu assignalatu permetta di fassi una strada sin’à a punta di Zivia.

Un situ da puteghja

Ma da induva veni tuttu stu granitu! Quì i cantoni sò catari, muraddi da parà u ventu par permetta à i liccia di crescia in altura, catari da parà u mari quand’iddu pichja nant’à sta punta di scodda in i timpesti , catari da parà l’urbanisazioni quandu si prova à culunizà stu pezzu di costa è di custruì ci casi novi ; a machja hè spazzulata, buliata, chjinata, è di sicura prutetta ; à l’alpana, stu pridatori tremendu, li piaci à vena quì par ùn lacà piscà il‘aculi marini o i marangoni.
Issi spazii sò vivi è fragili, vi ringreziamu di rispittà a rigulamintazioni, d’ùn tuccà à i loca, i fiori, l’animali, è d’ùn disturbà a so paci. Ùn lacheti micca vistighi vosci supralocu. U camping, u bivaccu,, i foca, u rumenzulu a circulazioni di i vitturi è altri mezi di trasportu muturizzati sò intardetti.


I pianti

In stu locu riccu di biudiversità è pocu disturbatu da l’omu, a machja hè zippa è ùn ci si pò guasgi micca entra. hè tipica di u suddu di a Corsica è più s’alluntanighja di u mari è più cresi. U ghjacciu ci si trova à l’ingrossu, vicinu à u curteghju di sempri, a scopa, u lintiscu, a murta…
Versu à a punta, u Carpobrutus pianta invasori vinuta d’altrò, più cunnisciuta cù u nomi di « granfii di strega », impidisci u sviluppu di i picculi pianti com’è a maredda.

L’animali

In stu locu riccu di biudervità è pocu disturbatu da l’omu, mori spezii animali si poni sviluppà. L’aceddi marini chì stani nant’à l’isuli Bruzzi, com’è i marangoni, venini à circà cibu in Capu di Zivia. Si pò ancu truvà certi cuppulati (ditti d’Hermann), in a machja. Più stunanti u scontru cù u buciartulonu, vechja razza vinuta muntagnola in Corsica, ma chì veni ancu sin’à u mari in sti loca.