A NOSCIA MISSIONI

Accunciamentu

ACCUNCIAMENTU

L’accunciamentu ginirali di i siti è quiddu di i chjassi

Sta missioni tocca à l’accunciamentu ginirali di i siti è di i chjassi da spassighjà pruposti à u pubblicu è à usu solu tecnicu.

Mantena i siti puliti…
Di regula i vardi di Elisa sò attenti tuttu l’annu à tena puliti i siti. Certi loca dumandani d’essa più attenti par via di u mondu chì ci passa, inveci chì, par d’altri, menu cunnisciuti, ci hè menu travaddu.
A torra di Campumoru è u so circondu, hè u locu u più passanti è s’intarvena, di sicuru par u più, nant’à u situ di Campumoru Senetosa. U sindicatu puliscia i siti à una friquenza diffarenti sicondu à i mumenti. D’invernu i loca i più passanti sò intratinuti 2 o 3 volti u mesi, inveci chì in alta staghjoni, hè fatta guasgi tutti i ghjorna.
L’aghjenti intarvenani ognitantu nant’à u Duminiu maritimu pubblicu, in certi loca più passanti com’è in Cala d’Aguglia, Cala di Conca, Cala di Tivedda, Cala Barbaria o ancu a marina di suttu à a torra di Campumoru.

Prupona chjassi in cundizioni…
U sindicatu acconcia i chjassi da spassighjà di u situ Campumoru Senetosa è Cala Barbaria.
I chjassi da ghjunghja à a torra di Campumoru è quiddi in u circondu, dumandani un travaddu beddu particulari parchì sò mori fraquintati. Di fattu, i vardi intarvenani dui o trè volti l’annu nant’à i chjassi sicundarii di a torra ( chjassi di Punta Bianca è Cala Ghjenuvesa ) è i ghjiri di i Pozzi o di Canusedda, inveci chì nant’à u chjassu d’intarpritazioni (chjassu d’accessu à a torra), l’accunciamentu si faci tuttu l’annu.
Nant ‘à sti chjassi, si travadda solu di mani cù una pinzia. Nant’à u chjassu litturali, da Tivedda à Campumoru, u travaddu si faci à mani d’omu è in una volta sola.
Par i ghjiri di Manna Mulina, di Truonu, di Conca è di i chjassi cavaddini, stu travaddu d’accunciamentu annuali si faci cù dirascaghjoli meccanichi par l’arbiseghju bassu ( bastardi di carponi) è cù pinzii par ciò chì hè in altu ( ributtumu di l’annu nant’à i vetti) par un travaddu più pricisu.
Fora di sta passata di l’annu nant’à a vegetazioni, fatta di maghju è di ghjungnu, dopu à i cresciti braneschi, l’aghjenti facini di modu rigulari visiti di cuntrollu nant ’à sti chjassi par parà i prublema chì ci pudariani essa.
D’invernu poni cussì intratena i svirsamenti d’acqua o fani d’altri, di cuntrullà i scaleddi è di custruisciani d’altri si bisognu ci hè.
S’acconcia i pianti, u circondu di u caseddu di Conca è di a casa d’Alturaghja, i prati di u valli bassu di Conca, una volta l’annu è solu cù a sbuscaghjola miccanica.
Par ciò ch’iddu hè di u chjassu à i pozzi/ puzzi timpurarii di Padduluccia (chjassu ch’ùn hè apartu à u pubblicu), s’acconcia tutti i dui anni.

A pulizia di i rinaghji si faci di manera scelta, voli dì chì si caccia solu u rumenzulu lacatu da l’omini è in u rispettu di i loca. U rumenzulu hè sceltu è mandatu u ghjornu stessu à u ruminzulaghju. Tutti l’anni u sindicatu intratena 38 chm di chjassi nant’à u situ di Campumoru Senetosa è 1, 5 chm nant’à quiddu di Cala Barbaria. U situ di Capu di Zivia, iddu, ùn hà chjassi da spassighjà.

PAR SAPÈ NI DI PIÙ

Da leghja dinò

A squadra

Elisa t’hà cinqui aghjenti tecnichi è un aghjenti amministrativu da pudè assicurà i so missioni di gistioni.

Quali semu?

U sindicatu intracumunali par a gistioni di i Spazii Liturali di u Sartinesi.