A NOSCIA MISSIONI

Aducazioni

ADUCAZIONI À L’AMBIENTI

Sinsibilizà

U sindicatu Elisa t’hà a primura di sinsibilizà i più ghjovani à a prutizioni di i spazii naturali.
Eccu parchì i vardi ricevani tutti l’anni gruppi di sculari in Campumoru par u più. Cussì rinforzani u travaddu di sinsibilisazioni à l’ambienti, fattu in iscola da i maestri.
U niveddu sculari di i scoli accolti va da i scoli primarii ( par u più), à quiddu di i BTS « gistioni è prutizzioni di a natura » (liceu agricolu di Sartè o di u cuntinenti), o ancu pò essa quiddu di u MASTER in leia cù a gistioni di i spazii naturali litturali.
I vardi ricevani dinò i ziteddi di i strutturi di vacanzi (ditti « centres aérés ») di u locu (par u più i cumuni di Sartè è Prupià).
Si parla di tematichi diversi com’è: a botanica, a regulamintazioni, a storia, o l’accunciamenti fatti nant’à u situ. Ghjurnati sò ancu urganizati da puliscia u rinaghju, cù i scoli primarii o i licei agriculi.
À l’initiativa di l’Uffiziu di l’Ambienti di a Corsica, un prughjettu pidagogicu « pozzi /puzzi timpurarii » devi parmetta à i sculari di u ciculu 3 (CM1, CM2), di scopra i specificità biulogichi, giulogichi, pidagogichi, idrulogichi, è socio culturali di sti pozzi.
Par rinfurzà lu sò stati fatti parechji attrazzi com’è l’edizioni di un librettu di prisintazioni nant’à l’abitatu « pozzu timpurariu », surtiti nant’à u situ, a sparghjera di una cascetta pidagogica fatta in u quatru di u prugrama Life « Cunsirvazioni di i puzzi timpurarii di u maritarraniu », a rialisazioni di una sesta è di pannedda è appicicatoghja in associu, chì riprisentani un ecusistema. Voddu un appiciccatoghju!
Stu prughjettu fattu in cullaburazioni cù l’Iducazioni Naziunali è a DREAL, t’hà setti siquenzi d’animazioni : trè assicurati da l’animatori ( una in iscola è dui supralocu), è quattru fatti da l’insignanti.

Nant’à u situ di Campumoru Senetosa, u pozzu (o puzzu) di Canuseddu hè statu sceltu da riceva i sculari di u locu. U Sindicatu riceva tutti l’anni, una o dui scoli di CM2, di a scola primaria di Sartè, par muscià un pozzu assicatu (di vaghjimu), è unu annigatu ( di branu). Una prisintazioni in iscola , fatta da i vardi, parmetta cù l’aiutu di a prugizioni di fottò, di muscià stu mezu è i so spicificità. Stu ciculu si finiscia tutti l’anni par una ristituzioni fatta da i ziteddi, guasgi sempri par d’altri scoli, u ghjornu di a festa di i puzzi, di ghjugnu

L’aghjenti di u Sindicatu, ricevani tutti l’anni, guasgi 250 sculari nant’à u situ di Campumoru Senetosa. U cumitatu sindicali, dopu à una pruposta di u so Prisidenti hà dicisu d’ùn fà pacà l’intrata di a torra di Campumoru à i sculari.

PAR SAPÈ NI DI PIÙ

Da leghja dinò

A squadra

Elisa t’hà cinqui aghjenti tecnichi è un aghjenti amministrativu da pudè assicurà i so missioni di gistioni.

Quali semu?

U sindicatu intracumunali par a gistioni di i Spazii Liturali di u Sartinesi.