Surviglianza

I siti di u Cunsirvatoriu di u litturali sò spazii naturali prutteti. Spissu aparti à u pubblicu, sti spazii sò sottumissi à una regulamintazioni chì servi di rifirenza à i Vardi di u litturali in i so missioni di surviglianza.
Sti spazzi sò vivi è fragili, hè indispinsevuli d’avè una manera di cumpurtassi rispituosa di i loca, di di pianti, di l’animali è di a so paci.
U camping, u bivaccu, i foca, u rumenzulu è a circulazioni di i vitturi è altri mezi di trasportu muturizzati sò intardetti.
Da po’ 1995, u sindicatu metti i mezi nicissarii par impidiscia u camping dittu « salvaticu » (à sapè forastrutturi), in u Sartinesi. L’aghjenti sò stati subitu assirmintatati è ani avutu mezi tarranii è maritimi da pudè intarvena di pettu à quiddi foraleghji.

I Vardi di Elisa facini ghjiri di surviglianza è dani a primura à l’infurmazioni di u pubblicu par ciò chì tocca à u rispettu di i reguli chì valini. Poni ancu, s’iddu ci voli, fà un prucessu verbali o metta un timbru amenda. A surviglianza di i siti hè assicurata tuttu l’annu, ancu di più par a statina, è quand’iddu cresci u passu è vena nant’à i siti.
In tutta a statina, a surviglianza di i siti hè a missioni prima di i vardi, a facini nant’à u tarritoriu sanu, da u luni à a duminica, è ancu i ghjorna fistivi.
U dispusitivu hè efficaci, ùn ci hè guasgi più infrazzioni par ciò chì hè di u camping forastrutturi.

I ghjiri di surviglianza ani permissu dinò di sminuiscia di manera impurtanti a circulazioni di i vitturi è altri trasporti muturizati nant’à i chjassi di u Sartinesi.