NOSCIA MISSIONI

Prucidimenti

PRUCIDIMENTI SCIENTIFICHI

Un prucidimenti naturalistu

U Sindicatu Elisa s’hè impignatu da pò avà parechji anni in un prucidimenti naturalistu, iniziatu da l’Uffiziu di l’Ambienti di a Corsica, tocca u studiu di i pozzi/ puzzi timpurarii di Corsica. Stu studiu porta nant’à quatru puzzi di u pianu di Paddulucciu, in a vaddi di Conca.
U sindicatu travadda dinò nant’à u prucidimenti di fraquintazioni di u situ di Campumoru Senetosa, à a dumanda di u Cunsirvatoriu di u litturali. L’aghjenti di Elisa ani stallatu in u 2010, sei icò cuntori in certi punti strategichi di u situ par studià l’impurtanza di u passu è vena di i visitori.

I pozzi timpurarii di Paduluccia

U situ maiori di Campumoru Senetosa conta parechji pozzi o puzzi timpurarii, ripirturiati da l’Uffiziu di l’Ambienti di a Corsica cù l’aiutu di i i vardi di u sindicatu.
Sti picculi zoni umidi, ognitanti annigati, sò un Abitatu priuritariu di a dirittiva abitat. Ci si campani tanti pianti ( velata, illicebru verticillatu…), mastaruculi (disticu,
odonati ,…) , invertibrati acquatichi ( picculi crustacei), è anfibii.
I pozzi di Padduluccia sò stati scelti da i scientifichi di l’O.E.C par un prugrama righjunali di travaddu è di seguita par ciò chì tocca à i pozzi lucalizati in quid’altri siti di Corsica. Righi da misurà l’altezza di l’acqua sò stati missi in i quattru pozzi principali. I ‘aghjenti di Elisa facini tutti l’anni a rileva di sti misuri da u mumentu di l’annacquera fin’à u so assiccamentu, dui volti u mesi. I risultati sò trasmissi dopu à l’O.E.C è participighjani à u studiu di sti spazii beddi particulari.

Di più, in u 2010, una stazzioni meteò, stallata nant’à u situ, aiuta à studià a rilazioni trà i sfarenti fenomeni meteorologichi (acquati, venti, assuliera) è l’annacquera o l’assiccamenti di i pozzi.

Studià u passaghju di i visitori par ammaistrà lu più bè.

Iniziati da u Cunsirvatoriu di u litturali, sistema automatichi da fà u contu di i spassighjatori sò stati cummandati par essa missi in certi punti strategichi di u situ di Campumoru Senetosa par suvità è quantificà u passu è vena tuttu l’annu. Sti sistema di contu sò stati stallati da l’aghjenti d’Elisa à l’intrati principali di u situ (Bassa Torra è Tivedda) è à u cumenciu di i trè ghjiri di Campumoru ( I Pozzi, Canuseddu è Manna Mulina). Un seisimu attrazzu hè statu stallatu in u 2018, daretu à u locu da lacà i vitturi in Murta Spana.
I rilevi sò fatti da l’aghjenti di u Sindicatu cù l’aiutu di un applicazioni nant’à u so tilifuninu. I rinsignamenti dati parmettani di suvità l’ivuluzioni di u passaghju nant’à u situ è d’adattà s’iddu ci voli, a gistioni ( mumenti è ori d’apartura di a sposta « i Barbareschi », à a torra, surviiglianza di u situ, accunciamentu di i chjassi…).

PAR SAPÈ NI DI PIÙ

Da leghja dinò

A squadra

Elisa t’hà cinqui aghjenti tecnichi è un aghjenti amministrativu da pudè assicurà i so missioni di gistioni.

Quali semu?

U sindicatu intracumunali par a gistioni di i Spazii Liturali di u Sartinesi.